L'acebache ye un material fósil que remanez d'una familia d'árboles –las protopináceas– que vivieron nel xurásico.

Asturies tien unos xacimientos que foron esplotaos pol home yá dende la prehistoria. Tán consideraos, xunto colos ingleses de Whitby, los de meyor calidá de tol mundo.

La escasez, les propiedades particulares, el color negro y el brillu que garra una vez trabayao y pulío ficieron del acebache una substancia mui preciao poles diferentes cultures que se dieron na Península.

Constituyó les bases d'una xoyería popular de tol noroeste español: en forma d'amuletu –el puñés o la cigua– gastáronlu toles clases sociales a lo llargo de los sieglos, foi l'emblema y el recuerdu de los pelegrinos xacobeos.

Pero l'acebache asturiano nun trespasó solo les fronteres escontra Europa pelos caminos de Santiago. Col descubrimientu del Nuevu Mundo, el nuestru acebache llegó a facer parte de los usos y tradiciones de munchos pueblos d'América dende La Florida hasta L'Arxentina.

Por too esto y por otres munches razones, tien que ser considerao como un bien cultural de primer magnitú y l'actividá secular que constitúi'l so trabayu, l'acebachería, como l'actividá identificativa d'Asturies.